Алкогольге тәуелділік адамның денсаулығына ғана емес, отбасындағы қарым-қатынасқа, еңбекке қабілеттілігіне және қоғамдағы орнына да кері әсер етеді. Кейде зиянды әдетке жеңіл қарау үлкен мәселелерге бастау болады. Әсіресе отбасындағы түсініспеушілік пен жанжалдың ушығуына ішімдік себеп болатын жағдайлар кездеседі. Сондықтан алкогольдің зияны туралы түсіндіру жұмыстарын күшейтіп, салауатты өмір салтын насихаттау маңызды. Адамның өз денсаулығына жауапкершілікпен қарауы – отбасының амандығы мен қоғамның тұрақтылығына қосқан үлесі.