ҚЫСҚЫ  ДЕНСАУЛЫҚ  ФЕСТИВАЛІ

     Қыстың сәні – қалың қар. Қыстың мәні – шаңғымен сырғанау. Аппақ қарда шаңғы теуіп, тау бөктерімен құлдилай сырғанағанға не жетсін?! Райымбек ауданындағы Сарыжаз ауылында «Қысқы денсаулық фестивалі» болып өтті. Жалпы тұрғындарға арналған шаңғыдан жарысты ауылдағы «Қарекет» қорының азаматтары ұйымдастырды. Бұл игі шара ең алдымен ауыл спортын дамытуға арналды. Мынау бір қонақ жарық дүниеде салауатты өмір салтына жетер ештеңенің жоқ екенін ұлағаттауға негізделді. Шын мәнінде денсаулық фестивалінен ешкім сырт қалған жоқ.

    Сарыжаз ауылы қарсауыт өңір. Биыл да жап-жақсы қар түсті. Ең бастысы, спорт сүйер қауым, шаңғы спортын жақсы көретін жандар ауылдың Лабасы тауы жағындағы «Солдат сайы» аталатын тамаша жерді шаңғымен айналысатын, жүгіретін, жарысатын стадионға айналдырып алған. Дәл осы жерде ауылдық, аудандық оқушылар мен жас өспірімдер арасындағы шаңғы жарысы өректелді. Енді міне, үлкен-кіші демей жалпы тұрғындар қатысқан шаңғы жарысына негіз қаланды.

   Осы күні тартысты әрі қызықты өткен бәсекеде отбасылық жарыс бойынша ауылдағы Игеновтер, Дәуірбековтер, Жанашовтар отбасылары жеңімпаз болып танылды. Жалпы, осы күні балалар мен ересектер арасындағы, әйелдер мен ерлер арасындағы жарыстар, марафондық жарыстар болсын, жүзден жүйрік шыққан жеңімпаздарға «Қарекет» қоры атынан бағалы заттай сыйлықтар тапсырылды.

 Қ. САТЫБАЛДЫ,

                                                                      Сарыжаз ауылы.

0 Пікір

Пікір қалдыру

Login

Welcome! Login in to your account

Remember me Lost your password?

Lost Password