Нарынқол ауылындағы Бердібек Соқпақбаев атындағы орта мектеп-гимназиясында кәмелетке толмаған жасөспірімдер арасында құқық бұзушылық, зорлық-зомбылық және ерте жүктіліктің алдын алу мақсатында 7-11 сынып аралығында «Құқық бұзушылық және жауапкершілік», «Қыз тәрбиесі-ұлтқа ортақ» тақырыбында дебат өткізілді. Дебатқа аудан прокуратурасының прокуроры Рыскелдиев Мади және кәмелетке толмағандар жөніндегі инспектор, полиция аға лейтенанты Садвакасова Асел Бапанқызы, аудандық білім бөлімінің әдіскері Бидасова Айнур Айдарбекқызы арнайы қатысты. Дебат соңында оқушыларға мектеп медбикесі З. Құлабаева ерте жүктіліктің алдын алу бойынша кеңестер беріп өтті.

        Жеңімпаз SMART ONES, Элита атты командалары және «Үздік спикер» деп танылған Қасымхан Толғанай Райымбек АПБ бастығы, полиция полковнигі М. Н. Нұрдаулетовтың арнайы дипломымен марапатталды.

ӨСІМБАЕВА  Қарлығаш  Қуандыққызы,

Б. Соқпақбаев атындағы орта мектеп-гимназиясы

директорының тәрбие ісі жөніндегі орынбасары.