Жуырда «Nur Otan» партиясы Орталық аппаратының кадр саясаты департаментінің директоры Жұманов Руслан Сенімханұлы және «Nur Otan» партиясы Алматы облыстық филиалы төрағасының бірінші орынбасары Жөргенбаев Жанболат Әкебайұлы ауданымызға арнайы іс-сапармен келді. Ауданымызға ат басын бұрудағы басты себеп 2019 жылдың тамыз айында Қазақстанның Тұ

ңғыш Президенті-Елбасы, «Nur Otan» партиясының төрағасы Н. Ә. Назарбаевтың басшылығымен өткен саяси кеңестің кеңейтілген отырысында қабылданған партия жұмысын жүйелі жаңғырту мен қайта жүктеудің «Сенім. Диалог. Болашаққа нық қадам- «Nur Otan» партиясының 7 серпіні» атты бағдарлама мен онда жүктелген тапсырмалардың орындалу барысын, болашақта атқарылатын жұмыстар мен міндеттерді талқылау және партияны жаңғыртудың нақты бағыт-бағдарын ұсыну. Іс-сапар барысында аудан әкімдігінің мәжіліс залында аудандық партия активтерімен келелі кездесу өткізі. Аудандық партия активі отырысан кейін Қарасаз ауылына ат басын бұрып, М. Мақатаев әдеби-мемориалды мұражайына бас сұқты. Ақиық ақынның өміріне қысқаша шолу жасап, ауыл адамдарымен амандасып, тұрғындардың тұрмыс-тіршілігімен танысып қайтты. Сарыжаз ауылында Сарыжаз кәсіптік-техникалық колледжі ұжымымен кездесіп ядролық электорат пен партилық кадрлық резервті қалыптастыру, партияның беделін арттыру, барлық деңгейдегі мәслихат депутаттарының белсенділігін арттыру мәселелеріне тоқталып, ой-пікірлерімен бөлісті.

                                                                                                        Д.Қасенұлы