2020 жылғы наурыздан қыркүйекке дейін Алматы облысы қорының филиалына Covid-19 профилактикасына, емдеуге және диагностикалауға 12,4 млрд теңгеден астам қаражат бағытталды

Коронавирустық инфекцияның алдын алуға, диагностикалауға және емдеуге, сондай-ақ Covid-19 таралуын болдырмау мақсатында эпидемияға қарсы іс-шараларға қатысқаны үшін медицина қызметкерлеріне үстемеақы төлеуге Алматы облысы қорының филиалына 12,4 млрд теңге бөлінді.
2020 жылдың наурыз-қыркүйек айлары аралығында ӘМСҚ-12,4 млрд теңге төленді. Шығындардың басым бөлігін, яғни 4,7 млрд теңгені эпидемияға қарсы іс-шараларға тартылған медицина қызметкерлерінің жалақысына үстеме құрады.
«Алматы облысы қорының филиалы және медициналық мекемелермен бірігіп коронавирустың ықтимал екінші толқынына дайындық жұмыстарын жалғастыруда. Өз кезегінде Қор коронавирус пен пневмониямен ауыратын науқастарға көрсетілетін медициналық көмектің уақтылы төлемін жүргізеді. Бұл ретте, осы аурулармен ауыратын пациенттерге медициналық көмек МӘМС жүйесіндегі сақтандырылу мәртебесіне қарамастан көрсетіледі»,-деп филиал қорының басшысы хабарлады.
Наурыздан қыркүйекке дейін провизорлық және карантиндік стационарларға емдеуге жатқызуды қаржыландыруға 3,4 млрд теңгеден астам қаражат жұмсалды.
Сол кезеңнен бастап мобильді бригадалар жұмысын бастады. Олардың қызметтерін төлеу үшін шілдеден қыркүйекке дейін филиал Қорынан 151,0 млн. теңгеден астам қаражат бағыттады. Емхананың әрбір шақыруы үшін 5400 теңгеден алады, осылайша үш айда 27 962 шығу орындалды. Мобильді бригаданың құрамына дәрігер және / немесе медбике, кейде бейінді маман кіреді. Мобильді бригадалар пациентті алғашқы қарап-тексеруді жүргізеді, оның жай-күйінің ауырлық дәрежесін бағалайды, Сovid-19 симптомдары болған кезде ПТР-тестке материал алады, пульсоксиметрия жүргізеді, көрсетілімдері кезінде рентгенографияға немесе компьютерлік томографияға жолдама бере алады, дәрілік заттарды тағайындай алады. Айта кету керек, өңірлерде осындай 3000-нан астам бригада құрылған.
ПТР диагностикасын жүргізуге 1,4 млрд теңгеден астам қаражат бөлінді.
Медициналық сақтандыру Қоры Қор төлейтін қызметтердің сапасын жоғарлату үшін пациенттер шағымдармен және ұсыныстармен 1406 байланыс орталығына жүгініп, сондай-ақ оларды Qoldau 24/7 мобильді қосымшасында қалдыра алады.

«Әлеуметтік медициналық сақтандыру қоры»
​КЕАҚ Алматы облысы бойынша филиалы

0 Пікір

Пікір қалдыру

Login

Welcome! Login in to your account

Remember me Lost your password?

Lost Password