Кемел елдің кемеңгер қаламгері

                                 

         Қазақстан Республикасының Мәдениет және ақпарат Министрлігінің қолдауымен ҚР Ұлттық Академиялық кітапханасының, ҚР кітапханашылар Ассоциациясының бастамасымен 2007 жылдан бері «Бір ел – бір кітап» акциясы өткізіліп келеді. Бұл акцияның мақсаты ұлттық әдебиетіміздегі ең үздік туындыларды оқу және насихаттау, кітапханаға оқырман тарту, рухани мұрамызды сақтау, жастарды отаншылдыққа тәрбиелеу. Осыған орай аудандық кітапханада көрнекті мемлекет және қоғам қайраткері, жазушы Ә.Кекілбаевтың «Аңыздың ақыры» романы бойынша «Кемел елдің кемеңгер қаламгері» атты  кітап конференциясы ұйымдастырылды. Конференцияның негізгі мақсаты көрнекті мемлекет және қоғам қайраткері, жазушы Ә.Кекілбаевтың өмірі мен шығармашылығын насихаттап, оқырман жинау.

         ӘбішКекілбаев 1939 жылы Маңғыстау облысы, Оңды ауылында дүниеге келген. Қазақстанның халық жазушысы, мемлекет және қоғам қайраткері, Парламент Сенатының депутаты болып қызмет атқарған. Қаламгер әдебиетке мектеп жасынан жақын болған. Жазушының көптеген шығармалары ТМД халықтары мен шетел тілдеріне аударылған. Әуезовтан тәлім алған жазушының тілі бай, шырайлы деп ауыз толтырып айтуға болады.

         Аудандық кітапхананың ұйымдастыруымен өткен шараға оқырмандар, ауылдық кітапханалардың меңгерушілері, шақырылған қонақтар қатысты. Конференцияның басында аталған тақырыпта ұйымдастырылған кітап көрмесімен таныстырып өтті. Қатысушылардың көңілін көтеріп, күйбең тіршілктен арылтып, шараны жоғры дәрежеде өткізу үшін әнмен әрлеп, күймен көркемдеп өз кезегінде әншілер ән салып тұрды. Аталған «Аңыздың ақыры» романы бойынша әңгіме өрбітіп романға талдау жасалды. Қатысып отырған оқырмандар арасынан осы кітапхананың тұрақты оқырманы Шаймерден Шыңғыс романның өзіне ұнаған жерлерінен түсінігін айтып өз ойымен бөлісті. Сондай-ақ ауылымыздан шыққан жас ақын Айбек Ережепов арғы тарихтан тартып, жазушының өміріне тоқталып, романның мағынасы тереңде жатқанын басып айтты. Сонымен қатар осы кітапхананың жас  оқырманы Орманхан Аружан жарты әлемді жаулап алған Алмас ханның өмірінің соңғы айларында болған оқиғаны тіліне тиек етті. Романтизм туралы сыншы Т.Тоқбергенов «Аңыздың ақыры қалай да қазақ әдебиетінің роман жанрындағы үлкен жаңалықтардың бірі. Лирикалық сипаттағы роман-новелла десе де болғандай»- деп әділ бағасын берген болатын. Осы сұлу сөздермен шараны қортындылай келе, роман туралы викториналық сұрақтарға кезек берілді. Қойылған сұрақтарға оқырмандар мен қатысушылар жабыла-жарыса жауап беріп романның мағынасын толықтай түсініп алғандарын дәлелдеді. Конференция соңында аудандық мәдениет үйінің көркемдік жетекшісі Байжұма Медет пен Қайнар ауылдық кітапханасының меңгерушісі Қырғызбаева Гүлбүбіге сөз тізгіні берілді. Өз сөздерінде аталған романның мағынасы мол екенін айтты. Осындай шараны ұйымдастырып, өте  жоғары дәрежеде өткізіп отырған аудандық кітапхана ұжымына алғыстарын айтты. Конференцияны аудандық кітапхананың директорының м.у.а Назым Санатқызы өзі аяқтады. Осындай шаралар көптеп өткізілу керек дей келе Сарыжаз ауылдық кітапхана ұжымына осы эстафетаны жолдайтынынын жеткізді.

                                                                                                                                                               Дастан ҚАСЕНҰЛЫ.

0 Пікір

Пікір қалдыру

Login

Welcome! Login in to your account

Remember me Lost your password?

Lost Password