Мемлекеттік қызмет – мәртебелі  міндет

   2002  жылы  БҰҰ-ның  Бас  Ассамблеясы  мемлекеттік  қызметшілер  күнін  атап  өту  туралы  шешім  қабылдаған  болатын. Маңызы  зор  бастамаға  қолдау  білдірген  ҚР  Президенті  2013  жылдың  желтоқсанында  ҚР-дағы мемлекеттік  қызметшілер  күнін  23  маусымда  атап  өту  жөніндегі  Жарлыққа  қол  қойып,содан  бері  бұл  күн  елімізде  үлкен  құрметпен  аталып  келелі. Өткен  аптаның  жексенбі  күні  аудандық  мәдениет  үйінде  бас  қосқан  мемлекеттік  қызметшілер  өздерінің  төл  мерекесін  көтеріңкі  көңіл  күймен  атап  өтуі  соның  дәлелін  тағы  бір  айқындап  берді..

       Мерекелік  салтанат  көпшіліктің  Мемлекеттік  Әнұранымызға орындарынан  тік  тұрып  қошемет  көрсетуімен  басталды. Алғашқы  сөз  тізгінін  қолына  ұстаған  аудан  әкімі  Жолан  Омаров  мемлекеттік  қызметшілерге  деген  ыстық  ықыласын  былайша  жеткізді.

     -Мемлекеттік  қызметті  атқару – қоғам  мен  мемлекет  тарапынан  көрсетілген  ерекше  сенімнің  белгісі.Осы  жолда  сіздер  Тәуелсіздігімізді тұғырлы,елдігімізді  ғұмырлы  ету  үшін  аянбай  қызмет  етудесіз  деп  білеміз.Ауданымыздың  өсіп-өркендеуі  де  сіздердің  ерік-жігеріңіз  бен қажыр-қайраттарыңызға  тікелей  байланысты.Мемлекеттік  қызметке  біз  халыққа  лайықты  қызмет  көрсету  үшін  келеміз.Қоғамда  моральдық құндылықтарды  жан-жақты  қалыптастырып,халыққа  адалдық  пен  парасаттылық  үлгісін  көрсету  басты  парызымыз  болуы  тиіс.Осыны  ұмытпауымыз  керек. Сіздердің  атқарып  отырған  қызметтеріңіз  Қазақстанның  және  халқының  өсіп-өркендеуіне  септігін  тигізсін. Халыққа қызмет  етудегі  еңбектеріңіз  жемісті,жұмыстарыңыз  табысты  болсын,деген  аудан  әкімі  бұдан  кейін  ҚР  Тұңғыш  Президентінің  Қазақстан  халқына  арнаған  Жолдауларынан  туындайтын  міндеттерді  орындаудағы  жетімстіктері  үшін  және  ҚР  мемлекеттік  қызметшілер мерекесі  құрметіне  ауданымыздың  бір  топ  мемлеекеттік  қызметшілерін  аудан  әкімінің  Құрмет  грамотасы  және  Алғыс  хаттарымен  марапаттады.

     Бір  мәселені  айрықша  айта  кеткеннің  де  артықтығы  болмас. Мемлекеттік  қызметшілер  әр  уақытта  спорттық  шаралар  өткізу  мен  оған  белсене  араласудан  да  шет  қалып  отырған  жоқ. Оны  мына  бір  шара  арқылы  аңғаруға  болады. Мәселен, осы  жолғы  төл  мереке  құрметіне  орай  бір  топ  қызметкер  облыстық  спартакиадаға  қатысып,аудан  намысын қорғады. Мереке құрметіне  өткізілген спорттық  жарыста  озық  ойын  өрнегін  көрсетіп, волейболдан  командалық  үшінші  орынды  иеленсе, шахматтан  Шапағат  Әділбек  үздік  шығып, облыс  чемпион  тұғыырына  көтерілді. Және  осы  мереке  барысында  «Экономика  және  бюджеттік  жоспарлау  бөлімі» ММ  басшысы  Әлдибеков  Ерлан  Жақыпбекұлы  «Мемлекеттік  қызмет  істері  агенттігінің  Алматы  облысы бойынша  департаментінің  басшысы  Серікбай  Нұрғисаевтың  қолынан  мақтау  грамотасын  алды. Сондай-ақ, жемісті  еңбегі  үшін  Сүмбе  ауылдық  округінің  әкімі  Қозыбақов  Жеңіс  Сейсенәліұлы  Алматы  облысы  әкімінің  Құрмет  грамотасына  ие  болды.

     Бір  қуанарлығы, біздің  аудандағы мемлекеттік  қызметшілер  халыққа  қызмет көрсету  мен  қатар, өнер  мен  спорт  түрлерінен  де  құрыалақан  емес  екен. Мұны  осы  жолғы  мереке  барысы  тағы  бір  айқындап  берді.

       Аудандық  мәдениет  үйінде  өткен салтанатты шарада  жаңадан  мемлекеттік  қызметке  тағайындалған  жас  мамандар  ант  қабылдады.Мереке  әдеттегісінше  мәдениет  қызметкерлерінің  әуелете  шырқаған  әсем  әуендерімен  әспеттелді.

                                                                           Жұмабек  ТӘЛІПҰЛЫ,  

                                                                            Елдос  АХМЕТЖАН,

                                                                         арнаулы  тілшілеріміз.

0 Пікір

Пікір қалдыру

Login

Welcome! Login in to your account

Remember me Lost your password?

Lost Password